As enerxías non renovables
As máis utilizadas, na actualidade, son o carbón, o petróleo, o gas natural e a enerxía nuclear, pero están chamadas a desaparecer pola sobreexplotación á que se ven sometidas. O aumento de poboación e o enorme consumo enerxético dos países desenvolvidos (ó que se incorporaron China e outras economías emerxentes de Asia) fan que a demanda de combustibles fósiles aumentara considerablemente, polo que estes recursos, finitos, están cada vez máis preto do seu esgotamento. Ademais, o seu uso formula graves problemas ambientais.